Të gjithë jemi të shqetësuar për sigurinë e ushqimeve që konsumojmë. Megjithëse qeveria deklaron se ushqimet që tregtohen janë të sigurta nuk janë të pakta rastet e denoncimeve në media për ushqime jashtë datës se skadencës apo të kontaminuara që u shiten qytetarëve.
Në emisionin “Stop” është folur sërish sonte për çështjen e sigurisë së ushqimeve.
Në shumë prej marketeve të kryeqytetit, blemë akullore e bozë dhe vendosëm t’u bëjmë analizat.
Fillimisht iu drejtuam ASHR-së si institucioni, që me paratë e taksave tona, duhet të na përgjigjet.
Por pas refuzimit, iu drejtuam një laboratori privat, SCA në Sauk, i akredituar nga DPA, për të tilla analiza dhe që drejtohet nga Sokol Abazi.
Rezultati i analizave ishte i frikshëm: ngarkesa bakteriale të mëdha, madje edhe koliformë, ose fekale.
Ndaj qytetarët duhet të tregohen të kujdesshëm për akulloret dhe bozët që mund tu kërkojnë fëmijët dhe prindërit.
