Nëse jeni nga ata që nuk e preferojnë shijen e thartë por doni me patjetër vlerat e frutave të vogla të thanave e ka një zgjidhje. Tashmë është vërtetuar se frutat e thanës luftojnë diabetin dhe vonon plakjen. Por për të gjithë ata që duan të largojnë thartirën e kemi një zgjidhje: shurupi i thanave, recetën e së cilit do ta ndamë poshtë me ju.
Përbërësit: 1 kg thana; 2 litra ujë; 300 gr sheqer (ose më pak/shumë, në varësi të shijes suaj).
Receta dhe përgatitja: Ne fillim lani thanat. Në enën ku do të përgatisni shurupin shtoni ujë dhe sasinë e thanave. E lini në nxehtësi maksimale derisa të fillojë të vlojë dhe më pas shtoni sheqerin.
Pastaj e lini për rreth 30-45 minuta të ziejë derisa uji të ulë volumin e tij, pra nga 2 litra në 1,5 litra. Gjatë kësaj kohe e përzieni nga pak shurupin.
Fikni sobën dhe e lini shurupin e thanave të ftohet paksa. Më pas mund ta servirni dhe ta shijoni!
Ja vlerat e frutit të thanës: Përmban rreth 9% sheqer, acide organike, vitaminë C. Lufton plakjen. Ka veti antioksiduese. Kuron sëmundjet kardiovaskulare dhe diabetin.
