Blogeri i njohur Nas Daily i kushtoi një rëndësi të veçantë numrit të madh të kafeneve në vend, por edhe Dianës, burrneshës që kërkoi të drejta të barabarta me meshkujt.
Por, duket se Nas Daily ka ende për të treguar për shqiptarët. Bëhet fjalë pikërisht për besën, premtimi që bëhet për të mbajtur fjalën e dhënë.
Në videon e shkurtër, blogeri i famshëm merr si shembull periudhën kur shqiptaret pritën hebrenjtë dhe i ndihmuan ata. Madje, në video shfaqet edhe presidenti Meta i cili thotë se shqiptarët e mbajnë fjalën sepse ne jemi kombi i Nënë Terezës.
Përmbajtja e plotë e videos
“Besa është një fjalë që nuk do të thotë shumë nëse nuk e nga Shqipëria. Por, nëse je nga Shqipëria, besa është fjala më e rëndësishme. Dhe kjo fjalë nënkupton të mbash fjalën tënde. Në Shqipëri, nëse thua që do të bësh diçka, ti e bën atë. Nëse premton ose jep besën se do të kthesh paratë që ke marrë borxh, ti duhet t’i kthesh paratë dhe të nderosh fjalën tënde. Edhe gjatë Luftës së Dytë Botërore, kur hebrenjtë u vranë në të gjithë Evropën, shqiptarët dhanë besën e tyre për të ndihmuar dhe mbrojtur hebrenjtë. Dhe s’ka rëndësi sa vështirë ishte, ata e mbajtën fjalën. Ishte një nga vendet e paktë që e bënë këtë, pyet presidentin e tyre:
‘Unë jam presidenti i Shqipërisë. Asnjë hebre nuk iu dorëzua nazistëve sepse ne jemi kombi i Nënë Terezës’.
Nëse ka diçka që mund ta mësojmë nga shqiptarët, është që nëse ti e jep fjalën tënde, ti e mban atë, edhe nëse do të thotë të rrezikosh jetën tënde. Në një botë me plot premtime të pambajtura, ne të gjithë mund të përdorim pak më shumë besën ne jetët tona. Kjo ishte një minutë, shihemi nesër dhe kjo është besa ime!”
Videoja e publikuar nga Nas Daily:
