Ambasadori i SHBA-së në Beograd, Kyle Scott, ka deklaruar sot se qeveria e Kosovës nuk është e ashtuquajtur. Por Qeveri e Kosovës, dhe është shtet i pavarur dhe sovran, me përfaqësuesit e saj të zgjedhur.
Scott ka folur kështu në Qeverinë e Serbisë. Deklaratat u bënë në pyetjen e gazetarëve se sa ka shpresë për paqe kur vazhdimisht i bëhet presion Serbisë. Presion për bisedime me “të ashtuquajturën qeveri të Kosovës ku gjysma e udhëheqësve janë njerëz me dosje penale apo janë në procese gjyqësore”.
“Nuk është e ashtuquajtura qeveri e Kosovës por Qeveri e Kosovës. Ne e konsiderojmë Kosovën si shtet të pavarur dhe sovran. Ata janë përfaqësues të zgjedhur të Kosovës. Me ta kemi kontakte, sikurse edhe me të gjithë përfaqësuesit e ndonjë shteti në rajon”. Këto ishin deklarata thënë diplomati amerikan, transmeton Koha.net.
Scott ka thënë se stabiliteti i rajonit mund të jetë më i mirë, por ka progres, ndërsa shtoi se një nga elementët kyçë është zhvillimi ekonomik.
