Disa vende anëtare të BE-së, udhëhequr nga Franca, po përpiqen të pengojnë ëndrrën e Shqipërisë për anëtarësim në Bashkimin Evropian. Kështu shkruan një artikull i publikuar sot në EuBulletin. Ku renditen arsyet përse Shqipëria ka gjasa të mos anëtarësohet në BE.
Çfarë shkruhet në artikull
Parisi citoi krimin e organizuar dhe korrupsionin si dy problemet kryesore që pengojnë vendet e Ballkanit të anëtarësohen në BE.
Financial Times raportoi në 2017-ën se nuk ka vend tjetër në Evropë që rrit më shumë kanabis së Shqipëria. Gjithashtu, shtoi se autoritetet shqiptare ndonjëherë marrin pjesë në krimin e organizuar, duke përfshirë gjyqtarët dhe prokurorët.
Kryeministri shqiptar Edi Rama iu përgjigj opozitës për anëtarësimin në BE duke thënë se: “Bashkimi Evropian është absolutisht i paparashikueshëm. Përpjekjet tona nuk vlerësohen mjaft nga evropianët. Ne jemi bërë lodra e politikës së brendshme europiane”.
Rama shtoi se lufta kundër krimit të organizuar ishte një përparësi absolute për vendin që po kalon aktualisht një reformë gjyqësore. Shqipëria ka një shkallë të lartë të pakënaqësisë dhe qindra mijëra janë larguar në vitet e fundit.
40 gjyqtarë dhe prokurorë të lartë tashmë janë shkarkuar për shkak se nuk kanë mundur të provojnë se nga vijnë pasuritë e tyre.
Jonila Godole, drejtore e Institutit për Demokraci, Media dhe Kulturë në Tiranë, shpjegoi se: “Shumica e emigrantëve vijnë nga klasa e mesme shqiptare. Ata nuk shkojnë sepse janë të varfër, por për shkak se nuk kanë besim në shtetin dhe shoqërinë këtu”./ Përshtati TIRANA TODAY
