Diego Armando Maradona nuk ndalet së sulmuari Federatën Argjentinase të Futbollit. Momentalisht ai është trajner i Dorados në Meksikë, por është rikthyer të flasë për eksperiencën kur drejtoi Argjentinën. Pas largimit marrëdhëniet mes tij dhe bashkëpunëtorëve të dikurshëm vetëm janë përkeqësuar dhe tashmë ai nuk e mendon kurrë rikthimin.
“Të kthehem të drejtoj Argjentinën? Nuk do ta bëj kurrë. Donim një Federatë të re dhe zgjodhëm Tapia. Por është edhe faji im, në atë kohë erdhi e më kërkoi mbështetjen dhe unë pranova. Premtoi shumë gjëra por nuk bëri asgjë, madje as nuk më telefonoi më kurrë. Kjo është ajo që më nervozon më tepër. Është një tradhti dhe unë tradhtarët do i pështyja në fytyrë” përfundoi ish-kampioni i botës.
