Një shqiptar i dënuar me 25-vite burg ka qëndruar në arrati për 20 vite. Ai kishte ikur ilegalisht në Britani duke u fshehur nga ana e pasme e një kamioni. Bëhet fjalë për 42-vjeçarin Hektor Majmutaj.
Ai kishte hyrë në Britani të Madhe në dhjetor 1997, ku ka qëndruar atje për gati 20 vjet, raporton Daily Mail. Mahmutaj u dënua në mungesë në prill të vitit 2000 për vrasjen e bariut 28-vjeçar Gentian Jahaj në fshatin Bejar, të Fierit.
Hektor Mahmutaj, tani ka pretenduar se çdo ekstradim i mundshëm do të shkelte të drejtat e tij njerëzore. Vrasja e çobanit Gentjan Jahaj ka ndodhur në korrik të vitit 1997. Në të njëjtin vit ai kishte mundur të arratisej nga Shqipëria. Sipas gjyqtarëve të gjykatës në Westminster ai kishte qëndruar në fshehtësi ë Britani.
Ai ka jetuar tashmë në Britani për më shumë se 20 vjet, duke përdorur 13 pseudonime për të shmangur zbulimin, raporton Sunday Express. Majmutaj, i cili jeton në Liverpul, thuhet se e kishte qëlluar bariun ndërsa ishte në një makinë me tre burra të tjerë në fshatin Bejar.
Dënimi në Britani
Interpol liston akuzat ndaj tij si: “vrasje me paramendim, aemëmbajtje pa lejse dhe prodhim të municioneve ushtarake”.
Mahmutaj u arrestua në një urdhër të Interpolit në dhjetor 2006, kur identiteti i tij u zbulua. Ai u dënua më pas dhe u burgos për dy vjet e gjysmë për armëmbajtje paleje në Britani të Madhe.
Pasi shleu dënimin e dhënë nga ana e Britanisë ai u la i lirë. Mahmutaj u arrestua përsëri në janar të këtij viti dhe tani do të përballet me një rigjykim nëse ai do të ekstradohet ose jo. Pas 10 vitesh Shqipëri bërë një kërkesë për ekstradimin e tij. Ai e ka mohuar kërkesën e bërë për ekstradim nga Shqipëria.
Avokati i tij mbrojtës është shprehur se, Mahmutaj nuk u ishte fshehur qëllimisht autoriteteve shqiptare. Në gjykimin e mbajtur të premten, gjyqtari Tan Ikram tha se Mahmutaj tani mund të ekstradohet. Kjo pasi ai është një shtetas jo-BE, rasti duhet t’i referohet Sekretarit të Brendshëm.
Në aktgjykimi thuhet: “Ai kaloi disa herë nëpër sistemin e drejtësisë pa dhënë identitetin e tij të vërtetë”. Babai i të fëmijëve tha se ekstradimi do të ishte i padrejtë pasi ai kurrë nuk u arrestua për veprën penale. Sipas tij nëse do e dëbonin do t’i shkatërronin familjen.
Mahmutaj gjithashtu mohoi vrasjen dhe pretendoi se ai u fsheh për shkak të frikës nga autori i vërtetë i ngjarjes. Por gjykatësi Ikram tha se fakti që babai i të dyve kurrë nuk u përballën me arrestimin apo gjykimin për vrasjen është për shkak se ai ishte në arrati. “Ai është një i arratisur. Nuk jam i kënaqur që ekstradimi do të shkelte të drejtat e njeriut të tij ose të familjes së tij”, tha ai./TIRANA TODAY/
