Khabib Nurmagomedov ka mposhtur në duelin e madh Conor McGregor dhe konfirmohet kampion bote në peshën e lehtë në artet marciale mikse në eventin UFC-229. Një duel i jashtëzakonshëm mes dy prej kampionëve dhe ikonave të këtij sporti, në një përballje në përgjithësi të dominuar nga rusi, që mbron titullin kampion të fituar në prill të këtij viti.
Një duel që nuk mbaroi pas ndalimit të gjyqtarit, pasi më pas shpëtheu një sherr masiv në T-Mobile Arena të Las Vegasit mes dy skuadrave. Madje emocionet më të mëdha kjo sfidë i pati në sherrin e madh që u transferua jashtë kafazit nga Nurmagomedov, që pati një konflikt fizik me persona të tjerë menjëherë pas fitores.
Kjo krijoi kaos në kafaz e jashtë saj, ku u përfshinë edhe stafet e dy sportistëve e forcat e rendit, që ndërhynë për të qetësuar gjakrat, madje pati edhe goditje të dy sportistëve. E gjithë kjo solli që në fund të mos ketë ceremoni për dhënien e titullit, vendim i cili u mor nga vetë presidenti i UFC-së. Të dy ‘luftëtarët’ u larguan nga kafazi në forca të rrepta sigurie dhe disa fansa goditën me ckishin në duar rusin.
Situata e tensionuar bëri që në fund të mos kishte asnjë ceremoni zyrtare për dorëzimin e gjerdanit për Nurmagomedov, që u shoqërua nga salla i rrethuar nga forcat e sigurisë dhe ato të policisë, ashtu sikurse edhe McGregor. Palët u përpoqën të sqarohen me presidentin e UFC-së, Dana Ëhite. Vetëm, pas disa minutash u dha vendimi për fitoren e Nurmagomedov, që korri suksesin e 27-të në artet marciale mikse, ku nuk ka ende asnjë humbje.
Për sa i përket duelit, ai ishte i fortë edhe pse munguan goditjet e fuqishme, pasi strategjia e Nurmagomedov funksionoi më mirë, me kapje të shpeshta të McGregor. Madje shumica e raundit të parë ishte si një duel mundje, ndërkohë që në raundin e dytë një e djathtë e rusit corodit irlandezin, që vetëm në raundin e tretë rivalizon disi. Por Khabib nuk heq dorë nga strategjia e tij dhe pas një kapje në raundin e katërt arrin të detyrojë irlandezin të dorëzohet.
