Karriera e Zlatan Ibrahimovc duket se do të marrë një kthesë mjaft të rëndësishme. Sipas asaj që raporton “Corriere della Sera”, gjiganti suedez mund të rikthehet në Serie A tek skuadra e Milanit. Janë drejtuesit e kuqezinjve ata që e shohin si një investim mjaft të rëndësishëm për të arritur objektivin e sezonit që është Champions League.
Një informacion që shpërndahet pikërisht me rastin e 37-vjetorit të lindjes së sulmuesit suedez, i cili aktualisht është pjesë e Los Angeles Galaxy në MLS. Kontrata e Zlatan me skadon në 2019-ën me skuadrën amerikan dhe vetëm në rast se ata do të arrinin një marrëveshje për tu larguar suedezi.
Ideja për të tentuar Ibran mësohet se ka lindur nga kërkesa e trajnerit Gattuso për një tjetër sulmues “pykë”, i cili do të ishte një mbështetje e madhe për Gonzalo Higuainin dhe Patrick Cutronen. Qëllimi është për të shkuar sa më larg të jetë e mundur në Europa League, trofe, që nëse do të fitohet, siguron pjesëmarrjen në Champions.
Ideja e Milanit është të nënshkruajë me gjigantin suedez kontratë 6-mujore. Në Amerikë, Ibra fiton 18 mijë euro në javë, shifër që nuk e tremb Milanin, ndërsa nga ana fizike është më se i përshtatshëm për futbollin italian, edhe pse është 37-vjeç. Në MLS me Galaxy ka arritur të shënojë 20 gola në 24 ndeshje. Suedezi do të kthehej me shumë kënaqësi në Milano, pasi e njeh mirë ambientin, por do të ishte dhe një lloj parapërgatitje për një aventurë të fundit te Malmoe në Suedi, aty ku e ka nisur karrierën, para se të varë përfundimisht këpucët në gozhdë.
