Fondacioni “Fundjavë Ndryshe”, po ndjek hap pas hapi rastin e familjes Shima, nga Kashari që përloti zemrat e të gjithëve. Më parë drejtori i fonacionit Arbër Hajdari, bëri të ditur se babait i kishin gjetur punë dhe së shpejti do të fillonin punimet për shtëpinë. Në fotot e postuara sot nga “Fundjavë Ndryshe” në “Facebook”, shikohet se Ismail Shima, babai i tre djemve është punësuar në një pikë karburanti, aty pranë shtëpisë. Ndërsa nga ana tjetër kanë filluar edhe punimet për ndërtimin e shtëpisë. Por, lajmi më i gëzuar është se të tre fëmijët e familjes Shima, Gëzimi, Arbeni, Ergysi i janë rikthyer në shkollë.
“Familja Shima në Kashar!
Rasti i 3 djemve që përloti zemrat e të gjithëve. Nisëm punimet në shtëpi, rikthyem fëmijët në shkollë, futëm në punë Ismailin, babain e fëmijëve.
Falenderojmë nga zemra të gjithë bamirësit, Emsionin Stop, Mane Tci, Bolv Oil ♥️Shpërndaje/Share”, shkruan Hajdari në “Facebook”.
https://tiranatoday.com/ne-familjen-shima-fundjave-ndryshe-babai-filloi-pune-djemte-u-rikthyen-ne-shkolle/
