Partizani ka fituar derbin e parë të këtij sezoni me Tiranën dhe momentalisht ka marrë kryesimin e kampionatit shqiptar. Presidenti, Gaz Demi pas ndeshjes së fituar nga të kuqtë në “Selman Stërmasi” ka folur mjaft shkurt për mediat shkurt dhe qartë. Ai i dedikon këtë fitore tifozit të vogël të Partizanit, Leos, që humbi jetën. Nga krahu tjetër, Demi premton se do të ketë premio për fitoren e derbit, pasi e ka bërë gjithmonë në të tilla ndeshje.
“Ekipi luajti mirë, derbi për Leon. Skuadra si gjithmonë do ketë premio për derbin”, – tregoi numri një i klubit të “demave”. Demi duket i kënaqur nga skuadra dhe nuk ka pse të mos jetë, pasi kryeqytetasit po bëjnë mirë dhe po fitojnë. Pas takimit të fituar me Flamurtarin 3-0 vjen dhe fitorja më e rëndësishme në derbin e kryeqytetit.
