Barcelona pësoi humbjen e parë përballë Leganes në La Liga dhe kjo ka ardhur për shkak të VAR-it. Këtë e kanë faktuar pamjet filmike të transmetuara në emisionin “El Chiringuito”, i cili zbuloi se goli i parë i shënuar nga vendasit përballë katalanasve ishte në pozicion jashtë loje.
Ishte pikërisht lojtari Jonathan Silva, i cili u nis në pozicion jashtë loje prej 16 centimetrash, por VAR në këtë rast nuk ndërhyri dhe goli u cilësua i rregullt.
Ky rast vjen vetëm disa ditë pasi Barcelona kritikoi VAR-in pas ndëshkimit me të kuq të Lenglet ndaj Gironës, ndeshje që katalanasit e barazuan 2-2 në Camp Nou. “Lenglet bën një lëvizje natyrale, nuk është agresion. Pati kontakt, por topi ishte në tokë. VAR-i duhet të ketë të njëjtin kriter për të gjithë”, theksoi mesfushori i Barcelonës.
Edhe trajneri Ernesto Valverde nuk është dakord me kartonin e kuq: “Nuk jam dakord me VAR-in. Mendova se gjyqtari po shikonte nëse sulmuesi goditi mbrojtësin tim. Nuk kishte fare agresion”.
