Një tjetër lajm të mirë ka lumëruar sot fondacioni “Fundjavë Ndryshe”. Pas, lajmit se familja Shima nga Kashari po i kthehet normalitetit, ku tre djemtë i janë rikthyer shkollës, babait të tyre i është gjetur punë dhe së shpejti do të fillojë edhe ndërtimi i shtëpisë së tyre, edhe një tjetër vogëlushi i ka buzëqeshur fati.
Ka qenë një bamirëse nga Amerika e cila i është bashkuar Fondacionit “Fundjave Ndryshe”, dhe ka paguar cdo shpenzim që Genti të rregullonte problemet që kishte me dhëmbët.
“Një bamirëse nga Amerika, e quajtur Monika, shikoj disa muaj më parë në postimet e “Fundjavë Ndryshe” Gentin. Genti kishte probleme të mëdha me dhëmbët dhe rrezikonte sëmundje të tjera. Përveç paragjykimeve nga shokët kishte dhe shumë dhimbje. E dërguam në një klinikë dhe për disa muaj u trajtua dhe sot gëzon dhëmbë në gjëndje të përkryer! Fatura u pagua nga vajza që jeton në USA. Të gjithë bashkë mundemi ♥️ #fundjavendryshe
Shpërndaje/Share”, shkruan “Fundjavë Ndryshe”.
