Greqia është vënë në gjendje alarmi, pasi në datën 1 tetor, cikloni do të godasë vendin. Shërbimi meteorologjik në Greqi, ka paralajmëruar se më datë 1 tetor, pjesa perëndimore e vendit do të preket nga një ciklon i fuqishëm. Sipas “meteo.gr”, mëngjesin e së hënës pritet që Greqinë ta godasë cikloni mesdhetar. Këtë stuhi që do të godasë Greqinë, e paralajmëroi dje dhe meteorologia Tanja Porja, e cila u shpreh se për fat të mirë, Shqipëria do të shpëtojë nga kjo masë ajrore.
Zona e Peloponezit, Evia dhe Kreta konsiderohen të jenë rajonet që do të përballen me fenomenet më intensive dhe të rrezikshme të motit gjatë fundjavës. Sistemi tropikal do të vazhdojë të ndikojë në territorin grek, dhe të hënën e javës që vjen do të përforcohet me stuhi të forta shiu, breshëri dhe erëra.
