Pas akuzave të njëpasnjëshme të Taulant Ballës, një reagim i menjëhershëm është pasuar nga ish-ministri i Bujqësisë, Edmond Panariti, se në kohën kur ishte ministër, ka firmosur kontratat për ti dhënë me qira tokat shtetërore Klement Balilit. Sipas Panaritit, këto janë mashtrime dhe se për këtë çështje socialistët kanë një vit që bëjnë vetëm hetime. Ai shton më tej se publiku e ka tashmë të qartë se kush merret me trafikantë, e ndërsa propaganda e tyre është veçse boshe.
“Nuk ka kontratë të lidhur as nga Ministria e Bujqësisë, dhe as nga Edmond Panariti, me trafikantin Klemend Balili… zoti Taulant Balla!! Ky është një mashtrim…lehtësisht i verifikueshem dhe i hetueshem… Keni nje vit që vetëm hetoni dhe auditoni procese dhe procedura për të cilat janë shprehur që nga KLSH e me radhë.
Vazhdoni!! Por, se kush shoqërohet me trafikantë, dhe madje e deklaron hapur këtë, publiku e ka tashmë të qartë. Por kjo nuk ju ndihmon në fshehjen e dështimit spektakolar të Bujqësisë, në vitin tuaj të tepsisë!! Për here të parë në vitin 2018, pas nëntë vitesh, eksportet bujqësore ranë me – 5,5% pas një rritje dy shifrore për katër vite me radhë.
Ndërsa Importet bujqësore në vitin e tepsisë u rriten me 11%. Këtë nuk e them unë, por INSTAT i juaj. Ndërsa ju shpalosni sot në Kuvendin e gënjeshtrave rritje imagjinare me 70% të bujqësisë, aritmetika është më e forte se propaganda dhe ajo ju nxjerr me MINUS dhe madje me germa kapitale”, ka thënë ai.
https://tiranatoday.com/balla-u-nxjerr-te-palarat-bashes-dhe-panaritit-si-iu-dha-toka-me-qira-balilajve/
