Pronari i shtëpisë ku u vendos tritoli sot në Vlorë, ka qëndruar për rreth 5 orë në rajonin e policisë, e ku ka thënë se nuk ka konflikte me askënd.
Një nga pistat ku po dyshon policia është dhe ajo e konflikteve për shkak të konkurrencës, pasi 43-vjeçari është pronar i një biznesi të vogël zdrukthtarie.
Për të hedhur dritë mbi këtë ngjarje, janë sekuestruar kamerat e sigurisë, për të verifikuar hyrje-daljet në pallat. Një tjetër pistë është ajo se autorët e vendosjes së tritolit, mund të kenë ngatërruar objektiv.
Pronari i banesës nuk rezulton një person me precedentë të mëparshëm penalë, por po punohet për zbardhjen e plotë të ngjarjes.
Kujtojmë këtu se lënda shpërthyese është vendosur në një banesë në katin e katërt të një pallati në lagjen “Isa Boletini”, në banesën në pronësi të shtetasit Jovan Çela.
https://tiranatoday.com/5-ore-ne-polici-zbardhet-deshmia-e-personit-qe-iu-vendos-tritoli/
