“Tirana Today” ofron në mënyrë të përmbledhur zhvillimet e ditës nga vendi, rajoni e bota. Aktualiteti i përmbledhur në një minutazh të shkurtuar, sjell për publikun atë çfarë është pasqyruar gjatë ditës.
Ditën e sotme në “Tirana Today” është transmetuar një video ku shihen tre djem që jetojnë në Kashar mes varfërisë dhe skamjes iu duhet të durojnë edhe përbuzjet dhe dhunën që iu vjen shoqëria dhe mësuesit.
Gjithashtu, mëngjesin e ditës së sotme Policia e Shtetit ka goditur grupin e rrezikshëm kriminal që kontrollonte veriun e vendit, ku 11 persona përfunduan në pranga dhe 2 të tjerë janë shpallur në kërkim.
https://tiranatoday.com/apeli-i-tre-femijeve-shoket-na-perbuzin-mesuesja-na-rreh-se-jemi-te-varfer/
3 djem që jetojnë në Kashar mes varfërisë dhe skamjes iu duhet të durojnë edhe përbuzjet dhe dhunën që iu vjen shoqëria dhe mësuesit.
Gëzimi 13 vjeç, Arbeni 11 vjeç dhe Ergysi 8 vjeç rrëfehen për Tirana Today se përbuzen nga shokët dhe dhunohen në shkollë nga mësuesja vetëm për faktin se janë të varfër.
E vetmja e ardhur e tyre janë kanaçet. I ati i tyre, 39-vjeçari Ismail Shima iu bashkohet djemve në mbledhjen e kanaçeve, për t’u kujdesur edhe për bashkëshorten e tij të sëmurë, Fluturën.
Por, shpeshherë Policia Bashkiake ia merr karrocën për t’i çuar në landfillin e Sharrës. Kjo do të thotë një ditë më shumë pa ngrënë bukë.
https://tiranatoday.com/emratgoditje-e-forte-ndaj-klanit-bajri-kush-jane-kriminelet-qe-tronditen-shkodren/
Policia e Shtetit bashkë me vendet e tjera partnere ka goditur grupin e rrezikshëm kriminal që kontrollonte veriun e vendit.
11 persona përfunduan në pranga dhe 2 të tjerë janë shpallur në kërkim.
Midis elementëve të rrezikshëm është Safet Rustem Bajri, i njohur si koka e këtij grupi.
Ky grup kriminal vepronte në qarkun e Shkodrës dhe jashtë Shqipërisë, kryesisht në Holandë.
Sipas policisë, janë kryer dhjetëra orë përgjime dhe janë shkëmbyer mijëra informacione deri në arrestimin e grupit të rrezikshëm kriminal.
Akuzat ndaj bandës “Bajri” nisin që nga “Vrasje me dashje e mbetur në tentativë”, në bashkëpunim, gjoba e deri tek trafiku i armëve dhe i lëndëve narkotike.
https://tiranatoday.com/emriky-eshte-trajneri-anetar-i-bandes-bajri-ka-qene-edhe-ish-portier-i-vllaznise/
Armir Grima, ish-trajner i Vllaznisë është në listën e bandës së goditur nga policia. Grima, sot 44 vjeç është arrestuar në Shkodër në kuadër të operacionit policor “Oaz” të shtrirë në Tiranë, Shkodër, Roterdam dhe Holandë.
Grima ka qenë portier i ekipit të futbollit të Vllaznisë në vitet 1998-2001, kohë kur ky ekip është shpallur kampion.
Ai ka qenë edhe drejtor teknik i skuadrës, ndërsa ka mbajtur herë pas here edhe pozicionin e trajnerit në momentet kur Vllaznia ka pasur probleme.
Grima dha dorëheqjen nga pozicioni që mbante për shkak të angazhimit me kombëtaren e futbollit të femrave. Në vitin 2013 ai ishte në listën e kandidatëve për deputet.
https://tiranatoday.com/kush-e-shkaterroi-fisin-e-bajrajve-berisha-nxjerr-emrat-ja-politikanet-e-lidhur-me-banden/
Ish-kryeministri Sali Berisha akuzon direkt krerët e qeverisë si të lidhur me fisin Bajri.
Sipas Berishës, ishte Holanda dhe gazetarët investigativë ata që nxorën në dritë lidhjet e këtij grupi kriminal me kryeministrin Rama, ministrin Dimtir Bushati dhe deputetin socialiste Luan Harusha.
Ai iu ka kërkuar vendeve partnere që të zbardhin tabulatet telefonike mes Ramës, Bushatit, deputetëve socialistë dhe fisit Bajri.
https://tiranatoday.com/makina-luksoze-e-canta-me-para-cmenden-gazetaret-gjermane-ja-jeta-e-femijeve-te-pasur-ne-tirane/
Makina, shtëpia, jahte, janë këto disa nga mjetet që personat e pasur reklamojnë në mediat sociale.
Revista gjermane Shtern, ka zbritur në Tiranë ku ka pikasur të rinjtë që reklamojnë super makinat e tyre, orët Rolex, shishet e shtrenjta të shampanjës apo fëmijë të cilët dalin në foto me valixhe me para që shuma e tyre mund të variojnë 100, 500 dhe deri në 4000 euro për një natë. Një panoramë që vështirë se mund të gjendet në Gjermani.
