E ardhmja e Lionel Messit mund të jetë larg Barcelonës dhe këtë po përpiqet që ta bëjë David Beckham. Ylli anglez ka krijuar skuadrën e tij , Inter Miami dhe nga sezoni i vitit 2020 do të vazhdojë të militojë në MLS. Super-ylli i Barcelona-s është nën kontratë deri në qershorin e vitit 2021, por atëherë do të jetë 33 vjeç.
Sipas “Daily Mail” argjentinasi është në radarët e Miami-t dhe ata duan që të arrijnë një akord. Messi ka premtuar besnikëri ndaj katalanasve dhe kjo e bën të pamundur që ai ti bashkohet një skuadre në kompeticionet evropiane. Por, Miami, vend që ka popullsi Hispanike, mund t’i ofrojë atij një alternativë si dhe një profil relativisht të ulët.
Profili i Beckham dhe kontaktet që ata kanë me njëri-tjetrin mund t’i japë atij një marrëveshje të padëgjuar më parë. Ndërkohë që yje si Zlatan Ibrahimoviç, Thierry Henry dhe Beckham e kanë nderuar MLS-në, pritet ardhja e një tjetër talenti të madh të botës së futbollit.
Dhe, potencialisht mund të sigurojë transferimin më të madh që nga koha e Pele dhe Franz Beckenbauer, ai mund të prishë planet dhe të sigurojë shërbimet e talenteve të reja. Kështu që drejtuesit e Inter Miami-t duhet që të sigurojnë një stadium më të madh në të ardhmen për të pritur një emër të madh si Messi.
