1 i vdekur e 25 të plagosur është bilanci tragjik, si pasojë e një serie shpërthimesh gazi në qytetet në veri të Bostonit, në Massachusetts, të enjten në mbrëmje. Viktima është 18-vjeçari Leonel Rondon, banues në Lorens. Ai ishte në makinën e tij, kur një oxhak i ra në makinë, pas shpërthimit në një shtëpi aty pranë.
Policia menjëherë ka avakuuar qindra njerëz. Për të parandaluar incidente të mëtejshme, u prenë shërbimet e gazit dhe energjisë elektrike.
Zyrtarët thonë se shpërthyen 60-80 zjarre në shtëpi dhe biznese në qytetet Lorens, Andover dhe Andoverin e Veriut, që ndodhen rreth 45 km në veri të Bostonit. Hetuesit dyshojnë se zjarret ishin shkaktuar nga “presioni i lartë i gazit”, që i përkiste linjave “Columbia Gas”.
