Mania për të përdorur celularin në çdo orë të ditës, sigurisht ka një kosto, si atë materiale por edhe për shëndetin. Njerëzit kanë krijuar varësi, duke e parë si një mjet pa të cilën nuk mund të jetojnë.
Për këtë arsye janë kryer studime të ndryshme, e ndërsa një grup shkencëtarësh nga Hong Kongu thonë se kanë zbuluar një sëmundje të re mjaft të përhapur në gjithë globin, e cila mund të jetë shumë e rrezikshme për shëndetin mendor.
“Ankthi i ndarjes nga celulari” quhet simptoma, ku sipas shkencëtarëve aziatikë, ka prekur shumicën e njerëzve. Ata thonë se njeriu e shikon celularin si një mjet jetik, dhe se nuk mund të jetojë dot më pa postuar në Facebook, Instagram dhe Twitter.
Simptomat përfshijnë paaftësinë për të fikur telefonin, kontrollimi i përhershëm i tij, karikimi i shpeshtë i tij dhe e fundit, por jo më pak e rëndësishmja, marrja e celularit me vete kur shkojmë në tualet.
Kjo gjendje ankthi që shkencëtarët nga Hong Kongu e kanë quajtur nomofobi, po përkeqësohet gjithmonë e më shumë.
