Një grua shqiptare në Itali është vënë në pranga pasi akuzohet se i ka zhvatura rreth 70 mijë euro ish-të dashurit italian.
Siç raportojnë këtë të martë mediat italianë: historia e lidhjes intime mes gruas shqiptare (identiteti i së cilës nuk bëhet me dije) dhe italianit të martuar, ka nisur vite më parë. Në vitin 2014, ai vendos t’i japë fund raportit, vendim që nuk pranohet nga shqiptarja e cila kërcënon se do ti tregojë për lidhjen mes të dyve bashkëshortes së tij, raporton media italiane cronachecittadine.it.
Në këmbim të heshtjes, ish e dashura i ka marrë italianit një pagesë mes 1.000 dhe 2.000 euro çdo muaj.
Këto janë elementet e një historie pasioni, i kthyer në makth për burrin, i cili një ditë më parë iu drejtua stacionit të karabinierëve në Romë, që shkruan fjalën “fund”: Në pranga u vu gruaja shqiptare, 48 vjeçe, me akuzën e zhvatjes. Burri, një roman 70 vjeç, me profesion tregtar, iu drejtua karabinierëve pas mesazhit të radhës të marrë nga ish e dashura, e cila e urdhëronte ti dorëzonte 1.4000 euro. Në kallëzimin e tij, 70-vjeçari tha që kur ata të dy i dhanë fund marrëdhënies, ajo i ka marrë përmes shantazheve rreth 70.000 euro
Kur ai i tha shqiptares se nuk ishte më në gjendje ta paguante, 48-vjeçarja vijoi me kërcënimet se do ti tregonte për marrëdhënien e tyre bashkëshortës së 70-vjeçarit. Italiani bëri kallëzim te karabinierët, të cilët organizuan kurthin për arrestimin e gruas shtantazhuese.
Në momentin e dorëzimit të parave, ndërhynë efektivët, duke arrestuar në flagrancë 48-vjeçaren dhe duke sekuestruar shumën e parave./TIRANA TODAY/
