Shpesh qytetarët janë një mbështetje e fortë për Jozefina Topallin, por një status ku ajo reflekton mbi situatën kriminale në vend, duket se ka sjellë një rebelim të tyre, si rrallë herë.
Në të shumtën e rasteve, përmes postimeve në rrjetet sociale, qytetarët i kërkojnë që ajo të rikthehet në PD, të marrë në dorë fatin e demokratëve, pasi me Lulzim Bashën në krye, do të kenë gjithmonë humbje.
Mjaft e revoltuar nga ngjarjet kriminale që kanë mbërthyer vendin, ajo ka ndarë shqetësimin me popullin, duke nënvizuar se Shkodra është nën pushtetin e krimit, dhe se askush nuk i del për Zot.
Një qytetar i kujton se në rastin kur ka 5 vjet që sulmon opozitën, për rrjedhojë ajo ka ndihmuar qeverinë, dhe se statusi mbi kriminalitetin merr ngjyrë patetike dhe hipokrizie. Një tjetër zonjë i kujton Topallit se pa dashje ka dhënë kontributin në këtë situatë, me theks të veçantë në sulmin ndaj opozitës.
