Pas rihapjes së garës për gjyqtarët që janë ftuar të bëhen pjesë e Këshillit të Lartë Gjyqësor, ambasada amerikane i ka drejtuar një apel gjykatësve të ndershëm dhe me integritet nga gjykatat e apelit që të bëhen pjesë e Këshillit të Lartë Gjyqësor.
Me anë të një status në rrjetin social “Facebook”, ambasada thotë se në Shqipëri po krijohet një sistem drejtësie që i shërben vërtetë interesave të qytetarëve.
“Shqipëria është në prag të krijimit të një sistemi drejtësie që vërtet i shërben interesave të qytetarëve të saj. Iu bëjmë thirrje gjykatësve të ndershëm, patriotë dhe me integritet nga gjykatat e apelit që të bëjnë përpara dhe t’i shërbejnë vendit të tyre në Këshillin e Lartë Gjyqësor. Bëhuni pjesë e të ardhmes së Shqipërisë! Aplikoni këtu ? https://bit.ly/2P7bVKk ”, shkruan ambasada amerikane.
