Presidenti i UEFA, Aleksandër Ceferin, në një intervistë për një gazetë sllovene është shprehur se vendimi që do të marrë institucioni që ai drejton nëse PSG i ka thyer apo jo rregullat e Fair Playin Financiar nuk do të merret tani. Një goditje e madhe për Real Madrid të cilët shpresonin që francezët të dënoheshin dhe të rrëmbente një nga yjet e tyre, Neymar ose Mbappe.
“Vendimi për PSG do të merret më vonë. Është e vërtetë që Real Madrid janë duke pritur për këtë vendim, por më mirë mos ta bëjnë”, ka thënë Ceferin.
Gjigantët e PSG-së kanë blerë Neymar për një shumë rekord 222 milionë euro dhe më pas Mbappe për 180 milionë euro, këtë të fundit në formë huazimi. Në një raport shkruhej se francezët kishin bërë gabime dhe për këtë arsye është hapur një hetim dhe janë duke u mbedhur prova për shpenzimet e këtij ekipi.
Ceferine ka thënë se “ata nuk kanë diskutuar për VAR”, kur është pyetur se a do të përdoret sivjet VAR në Ligën e Kampionëve.
“Ende nuk jam i bindur për VAR. Janë disa gjëra që ende nuk janë sqaruar. Kush vendos për ta shikuar VAR? Gjyqtari videoasistues apo gjyqtari kryesor. Njerëzit nuk e kuptojnë këtë e as gazetarët. Ne e dimë që një ditë do të jetë e nevojshme të përdoret VAR, por kur ne të jemi gati”.
