Një lloj stilolapsi, që me gjasë çdokush do e ketë patur një të tillë, ka shkaktuar shumë pikëpyetje lidhur me strukturën e tij. Shpesh njerëzit kanë një kuriozitet të shtuar se pse kapaku i stilolapsit ka një vrimë.
Në fakt, kjo nuk është një zgjedhje rastësore estetike, por ka një funksion mjaft të rëndësishëm. Në Amerikë, më shumë se 100 persona humbin jetën në vit, vetëm pasi gëlltisin objekte dhe kapaku i stilolapsit është njëri prej tyre.
Kjo gjetje e kompanisë BIC ka reduktuar ngjarjet me pasojë jetën, pasi nëse dikush kapërcen padashje kapakun e stilolapsit, nëpërmjet vrimës së vogël do të mundet të marrë frymë lirisht, deri sa mjekët mund të ndërhyjnë.
