Atletico Madrid ka ‘ngecur’ në ndeshjen e parë të La Ligas edhe pse vinte si kampion i Superkupës së Europës. Por kjo ndodhi pasi përballë kishte një super Valencia, e cila luftoi deri në sekondën e fundit dhe pati shansin që ta fitonte ndeshjen. Diego Simeone është bërë trajneri i parë në historinë e klubit që drejton skuadrën për tetë sezone radhazi, duke lënë mbrapa Ricardo Zamora (shtatë sezone mes 1939-ës dhe 1946-ës).
Mjaftojnë vetëm 26’ minuta dhe të besuarit e Simeones gjejnë avantazhin, pasi po dominonin ndeshjen mjaft mirë. Ishte Correa që gjen rrugën e rrjetës pas një asisti nga Antoine Griezmann. Francezi me këtë asist ka shkruar historinë pasi ka marrë pjesë në 31 gola në po aq ndeshje në vitin 2018(22 gola dhe 9 asiste).
Por në pjesën e dytë ndeshja merr një rrjetë tjetër, është Valencia që dominon në fushë dhe barazon ndeshjen në minutën e 56’ me Rodrigo. Vendasit kanë krijuar shumë raste për të kaluar në avantazh, kur topi i Gabriel Paulistas ndalet nga shtylla. Minutat e fundit ishin makth për Atletico, pasi Valencia krijoi tre raste të pastra, por Oblak nuk e ka lejuar topin të përfundojë në rrjetë.
