Deputeti demokrat Edi Paloka, ka shprehur dhimbjen për familjarët që humbën të afërmit e tyre pas gjëmës ku 8 pjesëtarë të një trungu familjar u vranë nga kushëriri i tyre.
Mjaft i revoltuar nga qëndrimi menefregist i Ramës, ai thotë se kryeministri me të drejtë jeton në një botë tjetër.
Këtë ai e cilëson si një cinizëm ekstrem të një kryeministri, i cili vijon me planet e tij, dhe nuk shqetësohet për hallet e qytetarëve.
Pasditen e 10 gushtit, 24-vjeçari Ritvan Zykaj shkoi në dy banesa, dhe qëlloi me automatik, duke vrarë pjesëtarët e dy familjeve të fisit Zykaj, jo shumë larg banesës së tij në fshatin Resulaj të Selenicës, në Vlorë.
