Jozefina Topalli njihet edhe si “Zonja e hekurt” e politikës shqiptare, por mbi të gjitha është grua dhe nënë. Ajo mbetet një ndër zërat kritikë ndaj kreut demokrat Basha. Një foto e shpërndarë në rrjetin social Facebook prej saj, ka risjellë në fokus një debat të vjetër, ku qytetarët e cilësojnë si një lidere, e padiskutim i duhet klasës politike. Shumë prej tyre kanë shkruar se dëshira mbetet që ajo ti rikthehet politikës, pasi mbetet një xhevahir në PD.
Një tjetër qytetarë e ka këshilluar që të mos meret me Berishën dhe Bashën, dhe se ka ardhur koha që ajo të formojë një parti më vete, pasi në këto formë, ajo e ka të sigurtë mbështetjen e popullit.
Një tjetër i kujton se kontributi i saj mbetet i pazëvendësueshëm, dhe se ka ardhur koha për një opozitë të fortë. Këto reagime duket se i kanë dhënë goxha forcë Topallit, e ia ka kthyer ndjekësve me falenderimet që ajo ka për ta.
U bë një kohë e gjatë që Topalli është distancuar nga politika aktive. Sakaq, emra si Arben Imami, Astrit Patozi, Majlinda Bregu, duket sikur e kanë kufizuar aksionin tyre politik, vetëm në dalje të rralla televizive. A janë tërhequr? A janë përçarë? Kjo mbetet për tu parë…
