Botërori i radhës është vendosur që do të zhvillohet në Katar në vitin 2022. FIFA pak ditë më parë doli në një vendim që ky event të zhvillohet në muajin nëntor, për shkak të temperaturave të larta. Por mediat britanike së fundmi kanë nxjerrë një skandal dhe dyshohet se ka pasur manipulim të zgjedhjeve.
Raportimet vijojnë duke thënë se Katari ka punësuar agjentë të CIA-s dhe një kompani PR që të lobojnë për të. Nëse kjo do të vërtetohej atëherë mund të kishte masa ekstreme deri në heqjen e të drejtës së organizimit të Kupës së Botës Katarit. Edhe ish-kryetari i Federatës së Futbollit të Anglisë, Lord Triesman, ka thënë se nëse këto akuza vërtetohen vendi pritës i Botërorit atëherë do të jetë Anglia.
“Nëse vërtetohet se Katari i ka shkelur rregullat e FIFA-s, atëherë ata nuk mund ta mbajnë Kupën e Botës. Do të ishte gabim nëse FIFA nuk do të rishqyrtonte aplikimin e Anglisë në këto kushte”, ka thënë Triesman.
