Tashmë është zbardhur arsyeja pse Demi Lovato përfundoi në spital. Gjithçka lidhej me largimin e trajnerit Mike Bayer.
Ky i fundit e kishte ndihmuar atë të qëndronte e pastër për 6 vite, dhe ishte larguar vetëm disa javë më parë. Ajo e kishte pushuar nga puna, dhe gjërat përfunduan si mos më keq. “The Sun” shkruan se konfliktet mes tyre kishin nisur pasi ai e ndjente që këngëtarja po kërkonte justifikime për sjelljet e saj të gabuara, dhe nuk i tregonte të vërtetën për gjërat që bënte.
Pas debatit të fundit, ai i vuri në dukje gjëra që ajo nuk donte t’i dëgjonte. Gjithçka u bë shumë konfuze, sepse Mike ishte shkëmbi në të cilin ajo mbahej, pas përfundimit të marrëdhënies me Wilmer Valderrama.
Demi Lovato ka pasur probleme vitet e fundit, për shkak të abuzimit me lëndët narkotike. Në qershor ajo zbuloi se i ishte kthyer vesit pas 6 vitesh që nuk përdorte drogë.
