Milani dhe Manchester United u përballën një natë më parë në një ndeshje miqësore e cila përfundoi me rezultatin 1-1. Më pas ishte spektakli i penalltive, ku u deshën plot 26 të tilla për tu shpallur fituesi, që në fund ishin anglezët. Sanchez dhe Suso shënuan gjatë 90’ minutave për të mbyllur ndeshjen në barazim.
Kuqezinjtë treguan një nivel të lartë loje dhe në një moment ishin pa fat kur Borini u ndal nga shtylla. Ndërsa kur penalltitë po zgjasnin pafund Mourinho bën batuta me Gatuson dhe i thotë: “Hajde të gjuajmë ne tani”.
Mourinho vendosi që në këtë sfidë të luante pa yje në fushë dhe testoi kryesisht lojtarë të rinj, ndërsa Gatuso preferoi që të luante me Suso-Cutrone-Çalhanoglu në sulm që nga fillimi. Donaruma në portë, për t’i lënë më pas vendin Reinas. Luajti titullar edhe Bonuci, me shiritin e kapitenit në krah.
Milan – Manchester 9-10 (1-1 koha e rregullt) Shënues: Sanchez 12’ , Suso 15’. Penalltitë:
Pereira (MU) gol, Calhanoglu (M) gol, Herrera (MU) gol, Borini (M) jo gol, Sanchez (MU) gol, Kessie (M) gol, McTominay (MU) jo gol, Suso (M) jo gol, J. Pereira (MU) jo gol, Reina (M) gol, Bailly (MU) jo gol, Romagnoli (M) jo gol, Smalling (MU) gol, Calabria (M) gol, Tuanzebe (MU) gol, Kalinic (M) gol, Fosu-Mensah (MU) gol, Musacchio (M) gol, Hamilton (MU) jo gol, J. Mauri (M) jo gol, Darmian (MU) gol, Antonelli (M) gol, A. Pereira (MU) gol, Calhanoglu (M) gol, Herrera (MU) gol, Kessie (M) jo gol.
