Dje Kuvendi mbylli seancën e fundit për këtë sesion parlamentar, ku në fund u shty votimi për ligjin e Magjistraturës. Seanca e kësaj të hëne ka qenë e fundit për këtë sesion parlamentar, ku ka pasur edhe disa ligje të rëndësishme që kërkonin 84 vota për të kaluar, siç është edhe ai për ndryshimet në ligjin “Për Statusin e Gjyqtarëve dhe Prokurorëve”, që synon të zgjidhë ngërçin e krijuar me Shkollën e Magjistraturës.
Mosgjetja e gjuhës së konsensusit mes palëve, nuk i ka shpëtuar vemendjes së avokatit Spartak Ngjela, i cili insiston në një ndërhyrje amerikane, për ti dhënë fund këtij ngërçi që ka kapluar vendin.
Në një analizë të cilën e ka ndarë me të gjithë ndjekësit në Facebook, ai ka sjellë në fokus atë se çfarë ndodhi dje, ku opozita nuk pranoi të votonte ligjet që vijojnë Reformën në Drejtësi.
Ngjela thotë me tej se tashmë u plotësua dëshira e Ramës, e ndërsa ai ka kohë që pret një qeveri të përbashkët me Partinë Demokratike. Po sekuestrimi i pronave të Llallës është rastësi?
Sipas tij, kjo është shprehje direkte e forcës. Pasi i shpëtoi Vettingut nëpërmjet dorëheqjes, ish-kryeprokurori i vendit, nuk i ka shpëtuar institucionit që kishte nën varësi kur ishte në detyrë, Prokurorisë së Krimeve të Rënda. Me kërkesë të kësaj të fundit, Gjykata e Krimeve të Rënda ka vënë nën sekuestro preventive pasuri të paluajtshme në emër të ish-kryeprokurorit të vendit, Adriatik Llalla, me vlerë mbi 800 mijë euro.
