Zjarr i ri shpërtheu pasdite në pjesën lindore të rajonit të Atikës në rajonin më të gjerë të Athinës, i cili gjithashtu si ai nga paraditja në pjesën perëndimore të të njëjtit rajon, ende nuk është vënë nën kontroll.
Shërbimi zjarrfikës i Greqisë me 70 automjetet zjarrfikëse dhe 30 automjete, dy helikopterë dhe pesë aeroplanë tentuan ta vënë zjarrin nën kontroll, ndërsa era e fortë e vështirëson punën e tyre.
Siç lajmëroi korrespondentja e MIA-s n ga Athina edhe në pjesën lindore të Atikës, zjarri ka shkaktuar dëm material mbi shtëpitë dhe makinat, ndërsa sipas televizionit grek Skaj, pa qenë në rrezik, por në mënyrë parandaluese, evakuohen kampet për fëmijë në afërsi të zjarrit.
Paraprakisht, sekretari i përgjithshëm për mbrojtje civile, Janis Kapakis, për greke të lajmeve ANA-MPA deklaroi se zjarri i sotëm i ka karakteristikat e zjarreve të mëdha nga viti 2007, por me temperatura më të ulëta.
Banorët e të paktën tre lagjeve të vogla janë evakuuar për shkak të zjarrit të madh. Për shkak të kushteve të pavolitshme për ngasje dhe tymi i dendur, policia greke vendosi ta ndalojë komunikacionin në autostradën që i lidh Athinën dhe Korintin, në pjesën që është në afërsi të stihisë së zjarrit.
Zjarri shpërtheu në pjesën pyjore, por shpejt është përhapur edhe drejt lagjeve, ndërsa sipas mediave në Greqi, apelohen banorët e edhe një lagje t’i braktisin shtëpitë e tyre.
Sipas informacioneve në mediat greke, aktive janë pesë ose gjashtë vatra, të shpërndara në distancë prej gjashtë kilometrave.
Zjarri është në vendin Kineta në pjesën perëndimore të rajonit Atika në rajonin më të gjerë të Athinës. Bëhet fjalë për rajon në afërsi të detit dhe autostradës.
Tymi nga zjarri, për shkak të erës është përhapur në gjithë Athinën, ndërsa e ka mbuluar qiellin madje edhe në lagjet që janë në mbi 50 kilometra largësia nga vatrat e zjarrit.
