Futbollistët kroatë kanë sakrifikuar shumë në këtë Botëror pasi u është dashur të luajnë tre ndeshje nga 120’ minuta. Por dëshira e madhe që kanë pasur për të zbritur në fushën e lojës ka bërë që të sfidojnë edhe sëmundjet e temperaturat. Një ndër ta ishte edhe mesfushori i Barcelonës, Ivan Rakitic, i cili një natë para Anglisë ishte në shtrat i sëmurë.
As temperatura e lartë nuk e ndalon Rakitic të zbresë në fushë dhe të zhvillojë një ndeshje të madhe, duke përmbysur Anglinë në 2-1 dhe të shkruajnë historinë e Kroacisë duke shkuar në finalen e Botërorit.
“Një natë para ndeshjes kisha temperaturë, gati 39 (gradë). Isha i shtrirë në krevat duke kërkuar ta gjeja forcën për të luajtur dhe kjo ia vlejti. Në finale do të luaja edhe me një këmbë nëse është e nevojshme”, deklaroi Rakitic.
