Qendërmbrojtësi i Kroacisë, Domagoj Vida ka pushtuar mediat botërore ditët e fundit me videon pas ndeshjes me Rusinë, ku dëgjohej të thoshte “Lavdi Ukrainës”. Kjo frazë u cilësua si një provokim i drejtpërdrejt për rusët, pas konfliktit që ata kishin me Ukrainën për Krimenë.
Në ndeshjen me Anglinë, ku Kroacia fitoi dhe siguroi finalen, Vida ishte etiketuar nga tifozët dhe në çdo moment që ai prekte topin ata e fërshëllenin. Ai ishte një ndër lojtarët më të mirë në fushë, pasi i ishte lënë detyra që të markonte një lojtarë të shpejtë si Sterling dhe ia dili mjaft mirë. Ndërsa pas ndeshjes Vida ka reaguar sërish sa i përket videos, ku në një konferencë për mediat ka kërkuar falje për mesazhin kundër Rusisë pasi e s’kualifikuan në çerekfinale. Mbrojtësi kroat u shpreh se:
“Dua të kërkoj falje përsëri Rusisë. E kuptoj se kam gabuar vetëm doja të përshëndesja shokët e mi nga Kafe e Kievit. Unë i respektoj ukrainasit, rusët i serbët me të cilët luajë në të njëjtat klube.”
Përveç Vida kësaj çështje i ka kushtuar disa fjalë edhe presidenti i Federatës Kroate të Futbollit, Davor Suker. Dukje pasur parasysh se FIFA nuk ka dalë një vendim përfundimtar për lojtarin dhe rrezikon të pezullohet në finale, presidenti ka sqaruar se:
“Ne e kuptojmë plotësisht se ky veprim ishte i papërshtatshëm, i kërkojmë falje popullit rus. Bashkohemi me propozimin e FIFA-s: sporti jashtë politikës. Jemi të sigurt se djemtë tanë nuk kanë dashur të fyejnë askënd. Ata thjeshtë bënë një veprim të pamatur për shkak të euforisë së suksesit.
Por kjo nuk ka të bëjë me federatën Kroate të futbollit prandaj vendosëm të anulojmë akreditimin e Vukojevic. Shpresojmë që kjo histori të mos shkatërrojnë festën e futbollit dhe ditët e mbetura të Kupës së Botës të zhvillohen në një mjedis të respektit dhe gëzimit universal”, përfundoi presidenti i federatës.
