Kryetari i Lëvizjes për Zhvillim Kombëtar, Dashamir Shehi, Dashamir Shehi, ka ftuar deputetët e mazhorancës që të mos e votojnë ligjin për prishjen e Teatrit Kombëtar, pasi është pjesë e historisë dhe kulturës së Tiranës dhe gjithë vendit.
Deputeti i opozitës deklaroi se Rama paraqet argumentin më idiot që mund të thuhet. Ai deklaron se shprehja e Ramës ta prishim se është i vjetër është argumenti më idiot dhe më i poshtër që ai ka parë.
“Unë kam pas një tufë prona këtu në Tiranë e në Shqipëri e pas 3 vitesh u mërzita. Nuk i gjëmova më. U mërzita, ishin prona të miat, të babës e gjyshit tim, të ligjshme. Ka 20 vite që i është ngjit teatrit nga mbrapa, me lloj lloj biznesmenësh. Ky ka bë teatrin më të madh që është lujt ndonjëherë këtu. Kjo qoshja këtu, është hapësira më e nderuar publike për t’u mbajt. Për të marrë atë truallin. Teatri është e vetmja hapësirë që përfaqëson historinë e qytetit, kulturën e tij. Ne duhet të mburremi me atë teatër pikërisht sepse është i vjetër. Ajo është vlera e tij më e madhe.” – tha Shehi.
Ai i cilësoi si idote dhe të poshtra argumentet e dhëna prej kryeministrit dhe ministrave për prishjen e Teatrit Kombëtar për shkak se ishte i vjetër.
“Argument më idiot e më të poshtër nuk kam pa. Ta prishim se është i vjetër. Historia e Tiranës fillon ke Universiteti politeknik e mbaron ke Hotel Tirana. Ajo është Tirana. Pjesa tjetër është konvikt. Vijnë këtu ca turistë novegjezë e polakë, e çfarë shohin. Kulla të reja bëhen kudo. Në Afrikë më shumë dhe më të bukura se këtu. Në Dubai po ashtu. Kullat bëhen kudo, teatrin nuk e bëjnë dot ata. Doni të bëni teatër të ri, bëjeni te Bulevardi i ri. Bëni atje, teatrin e ri, teatrin e operas të ri, zyrat, gjykatat, çfarë të doni. Unë ju ftoj të mos e votoni këtë se është turp. Do ju ngelet në histori kjo punë, se kjo nuk përfundon këtu.” – shtoi Shehi.
