Pas liderit demokrat Lulzim Basha, që iu bashkua sot artistëve e qytetarëve në protestën kundër shembjes së Teatrit Kombëtar, të njëjtën thirrje ka bërë edhe
Kryetarja e Lëvizjes Socialiste për Integrim, Monika Kryemadhi u bën thirrje qytetarëve që të vazhdojnë pa ndalim protestat për të mos lejuar shembjen e Teatrit.
Përmes një postimi në rrjetin social “Facebook”, ajo kërkon që të mos bëhet asnjë hap mbrapa por të mbrohet teatri nga ata që ajo i quan “hajdutët e qeverisë”.
“Opozita ka qenë që në fillim në mbështetje të kërkesave të artistëve, edhe pse çështja e Teatrit Kombëtar është çështje me përmasa kombëtare dhe nuk mjafton vetëm protesta e artistëve,” shkruan ajo.
Asnjë hap prapa, të mbrojmë teatrin nga hajdutët e qeverisë!
Opozita ka qenë që në fillim në mbështetje të kërkesave të artistëve, edhe pse çështja e Teatrit Kombëtar është çështje me përmasa kombëtare dhe nuk mjafton vetëm protesta e artistëve.
Të ndërtosh kulla atje, ku për dhjetëra e dhjetëra vite është prodhuar kulturë, është arrogancë me çmim të lartë, çmim që sot e paguajmë të gjithë së bashku.
Aksioni opozitar për çështjen e Teatrit do të vazhdojë pa ndalim!
Ne e dimë që kemi shumë gjëra për të kritikuar në punën tonë, por pa dyshim jemi në një proces përmirësimi të pandalshëm, që po ia lëkund shtyllat e pushtetit, të ndërtuar dhe mbajtur me paratë e drogës dhe krimit, Edi Ramës.
Ne jemi alternativa e re për të zëvendësuar këtë pushtet të zhytur në krim e korrupsion. Dhe për këtë partnerët tanë janë qytetarët e ndershëm të të gjithë Shqipërisë, pa dallime partiake, pasi Shqipëria është mbi të gjitha.
Krimi e droga janë fatkeqësia jonë dhe e fëmijëve tanë! Ndaj sa më shpejt të ndodhë rokada e pushtetit, aq më të mbrojtur janë fëmijët e shqiptarëve nga droga dhe krimi.
