Ndërsa krerët e vendeve evropiane argumentojnë për çështjen e mirëpritjes së emigrantëve, familjet nga Shqipëria apo edhe Çeçenia, prej disa javësh flenë në çadra, në Reims në St John Perse Park, Francë.
Një kamp tashmë prej disa herësh është çmontuar dhe riinstaluar. Për muaj, emigrantët kanë ndjekur njëri-tjetrin në këtë kamp në parkun St John Perse në Reims.
E ndërsa të buzëqeshur fëmijët e këtyre familjeve lozin përreth çadrës, aty ku gazetarët mirëpriten në parkun e Shën Gjonit Perse të Reimsit, ku janë të vendosura familjet shqiptare.
Ata janë nëntë fëmijë, ku më i vogli është 1 vjeç e gjysmë, më i madhi është 10-vjeç. Me prindërit e tyre ata jetojnë atje, në çadra pak metra nga tramvaji, që prej dy muajsh.
“Ata nuk kanë ujë, as tualet, as zjarr për të gatuar, asgjë për të mbajtur ushqimin e tyre të ftohtë apo shumë të nxehtë”,- shpjegonë vullnetarët që ndihmojnë emigrantët.
“Falënderojmë Francën dhe ata që vijnë për të na sjellë ushqim çdo ditë”, thonë dy gra. Ata preferojnë të mos japin emrin e tyre dhe nuk flasin në mikrofon, nga frika e telashe, por tregojnë historinë e tyre. Ata vijnë nga Çeçenia, Grozni. Ata ikën sepse burrat e tyre kishin probleme politike me pushtetin, u torturuan dhe u rrahën. Ata ikën, nëpërmjet Polonisë, pastaj Gjermanisë, përpara se të vinin në Francë ku kërkojnë azil.
“Burrat tanë po torturohen në Çeçeni”, shpjegojnë këta emigrante. 18 vetë, duke përfshirë 9 fëmijë, jetojnë nën këto çadra në Park St John Perse në Reims.
“Policia ka shkuar rregullisht për t’i larguar ata, madje edhe para dy javësh. Policia u merri gjithçka. Tenda, ushqimin dhe rrobat. Ndoshta do t’i dekurajojë ata, por ata rikthehen menjëherë sepse nuk kanë zgjidhje tjetër “, – shpjegon Fabien, një vullnetare. Situata është përsëritur për më shumë se një vit.
Vullnetarët e tjerë pranojnë se lodhja fillon të ndihet, madje disa herë edhe dekurajimi. Disa flasin për një “luftë të trembjes” midis autoriteteve që shkatërrojnë kampet, në mënyrë që emigrantët të kthehen në vendin e tyre. “Ne duhet të gjejmë energji për t’u marrë me këta njerëz, por ka ardhur koha që revolta do të jenë të fora, ne do të jemi atje”, përfundon Philippe.
Vullnetarët që kujdesen për emigrantët në Reims kërkojnë nga shteti të marrë përgjegjësinë për ta.
Burimi: francebleu.fr
Përshtati: Tirana Today
