Ministri i jashtëm i Greqisë, Nikos Kotzias ka ‘tradhtuar’ grekët duke thënë se Vorio Epiri nuk i përket Greqisë. Në një intervistë për radiostacionin e SYRIZA “to kokkino 105.5” Kotzias tha se Greqia asnjëherë nuk do bisedojë për Çamërinë me Shqipërinë, ndërsa sa i përket Vorio Epirit, kjo çështje nuk i përket Greqisë duke pranuar kufijtë e traktatit të Parisit më 1926.
“Kurrë nuk pranova në tryezën e bisedimeve dhe as do të pranoj diskutimin e çështjes çame. Qeveria e vetme që pranoi diskutime të tilla ishte e Demokracisë së Re ne vitin 1990. Sa i përket Vorio Epirit, nuk i përket Greqisë dhe nuk ka çështje të tillë. Pranojmë kufijtë e aktit të Helsinkit, të traktatit së Parisit 1926, të drejtën ndërkombëtare, pasojat e dy luftërave botërore. Nuk bëjmë pazare të Çamërisë me Vorio Epirin. Akuzat mediatike dhe mikropolitike janë serioze. Doni luftë? Nuk luhet me këto tema”- ka deklaruar Kotzias.
Më tek ministri i jashtëm ka shtuar se ndryshe nga marrëveshja e 2009-ës, tashmë parimore është se çdo pakt të jetë i realizueshëm dhe funksional për të palët dhe afatgjatë, bazuar në të drejtën ndërkombëtare e ne favor të dy vendeve.
Për abrogimin e ligjit të luftës, ministri Kotzias është referuar në historikun e gjatë duke qartësuar se abrogimi i ligjit do lejojë rikthimin e pronave tek shtetasit shqiptarë pronarë para lufte por jo tek çamët. Pronat e çamëve u sekuestruan me vendim. Gjykate greke pas Luftës së Dytë Botërore.
