Spekulimet për rikthimin e Brock Lesnar janë në rritje, dhe mund të vijë më shpejtë se ç’e kishit menduar. Westling Observer ka sugjeruar se Lesnar është pranë evenimentit të muajit të ardhshëm në UFC 226 që do të zhvillohet në Las Vegas.
UFC 226 është evenimenti më i shumëpritur ku ndeshja kryesore do të jetë ajo mes Daniel Cormier dhe Stipe Miocic. Lesnar nuk pritet që të shfaqet në asnjë prej evenimenteve të WWE gjatë verës dhe kështu ai mund të konsiderojë një rikthim në UFC, shkruan telesport.
Gjithsesi, problemi është te organizata e anti-dopingut USADA, pasi ai është kapur me substanca të palejuara në UFC 200, ku fitoi ndaj Mark Hunt. Lesnar është një nga emrat më fitimprurës në MMA, dhe Daniel Cormier shpeshherë ka shprehur dëshirën për t’u përballur me të, dhe mbase tani mund ta ketë mundësinë.
