Vuante nga një sëmundje e rëndë, ndahet nga jeta ish-mbrojtësi i Tiranës

Është ndarë nga jeta legjenda e klubit të Tiranës, Perikli Dhalesi në moshën 71-vjeçare pasi vuante nga një sëmundje e rëndë. Një nga mbrojtësit më të mirë të viteve 60’, ka mbrojtur ngjyrat e Tiranës.Ai ka luajtur në fillimet e tij me futbollistë si Ali Mema, Fatmir Frashëri, ndërsa në mbyllje përkrah Agustin Kolës, Arben Minës dhe Shkëlqim Muçës. Pas karrierës si futbollist u përfshi edhe në politikë, duke qenë kryetar i njësisë bashkiake numër 8 në Tiranë, ndërkohë që për 2 vite mbajti postin e drejtorit të stadiumit “Qemal Stafa”. Një humbje vërtetë e madhe për futbollin shqiptar dhe për të gjitha ata breza që admiruan dhe u lidhën ngushtë me mbrojtësin e përsosur dhe njeriun e veçantë, Perikli Dhalesin.