Rastet e vetëvarjeve duket se po shkojnë drejt një trendi rritës. Janë një sërë faktorësh që detyrojnë disa nga qytetarët, të kryejnë këtë akt të rëndë.
Kushtet e vështira ekonomike, depresioni dhe shumë shkaqe të tjera, vijojnë të marrin jetë njerëzish në vendin tonë.
Për fat të keq, fenomeni i vetëvrasjes po merr përmasa të frikshme, ndërsa askush nuk duket se po vihet në lëvizje për ta frenuar.
Një tjetër rast ka ndodhur në Lushnje, ku një 17-vjeçare është gjetur e vetëvarur në një pemë nga familjarët e saj, në oborrin e banesës.
Viktima mban inicialet T. G. Ajo është gjetur nga familjarët në fshatin Stan Karbunarë, rreth orës 05:35 minuta të ditës së sotme. Grupi hetimor po punon për zbardhjen e plotë, të rrethanave të ngjarjes.
