Një kaos total i makinave është parë sot në segmentin nga Qafë Kashari në drejtim të Vorës. Prej ditë së Hënë këtu ka filluar devijimi i mjeteve në rrugët dytësore për shkak të riparimeve që do të bëhen në autostradën Tiranë-Durrës.
Qeveria dhe policia rrugore kishin njoftuar më parë për bllokimin e autostradës dhe kalimin në rrugët dytësore por asnjëherë nuk thanë që kjo rruge do ishte thuajse jashtë funksionit.
Gazetari i Tirana Today ka sjelle pamje nga trafiku tejet i rënduar në segmentin nga Qafë Kashari në drejtim të Vorës ku makinat janë në vend numëro.
Në foto duket qartë dhe një polic i cili thuajse nuk mund të bëj dot asgjë për të shmangur këtë kaos të makinave.
Ndërhyrja është pjesë e projektit të mirëmbajtjes të rrugëve të Bankës Botërore me kosto 615 mijë euro. Rikonstruksioni total i rrugës do të behet në një kohë të dytë pasi të sigurohen fondet.
Kujtojmë shoferët se lëvizja e mjeteve të rënda në drejtim të veriut duhet të bëhet përmes Kamzës. Ndërkohë drejtuesit e mjeteve që kanë si destinacion jugun, duhet të përdorin drejtimin nga Elbasani.
