Ubpdate/Bashkimi i mundshëm mes Kosovës dhe Shqipërisë. sipas serbëve e do të sillte krijimin e “Shqipërisë së Madhe”. Kjo është ajo çfarë së fundmi po pretendon Serbia, lidhur me hapjen e kufijve mes Shqipërisë dhe Kosovës.
Serbia këtë situatë e shikon si një të keqe të madhe, dhe i bën thirrje Brukselit dhe Uashingtonit që të reagojnë, pasi sipas tyre nuk ka kuptim heshtja.
“Krijimi i një bashkimi doganor midis Prishtinës dhe Tiranës padyshim çon në formimin e një ‘Shqipërisë së madhe’. Nuk e di se çfarë e keqe më e madhe duhet të ndodhë në mënyrë që Brukseli dhe Uashingtoni të dënojnë shqiptarët”-, shkruajnë mediat serbe.
“Krijimi i bashkimit doganor mes shtetit të rremë të Kosovës dhe Shqipërisë, ose heqja faktike e kufirit është hapi i fundit dhe deri më tani më serioz që çon në krijimin e “Shqipërisë së Madhe”! Brukseli dhe Uashingtoni duhet të reagojnë urgjentisht, sepse nëse ata heshtin si më parë, do të jetë absolutisht e qartë se ata nuk kanë asgjë kundër këtij projekti kriminal!”, ishin këto fjalët që ka thënë Ministri i Jashtëm serb Ivica Daçiç, në një intervistë për “Informer”.
Ai më tej theksoi se është krejtësisht e papranueshme për komunitetin ndërkombëtar që nuk ka dënuar vendimin e fundit skandaloze të parlamentit në Prishtinë.
Deputetët e Kosovës miratuan të mërkurën një marrëveshje për bashkimin e doganave të Kosovës dhe Shqipërisë. Ky vendim, thekson Daçiç, ndoqi një numër vendimesh të tjera të paligjshme duke hapur rrugën për krijimin e të ashtuquajturës “Shqipëria e Madhe”.
“Nëse deri tani nuk diheshin, tani të gjitha maska kanë rënë! Është mjaft e qartë se shqiptarët po punojnë për të arritur ëndrrën e tyre nacionaliste dhe tani ata tashmë po krijojnë hapur “Shqipërinë e Madhe”! Vendimi për këtë që po them lidhet me veprimet e fundit. Mos harroni se ata kanë hequr kohët e fundit kontrollin kufitar midis Kosovës dhe Shqipërisë, ashtu si edhe roaming. Unë nuk e di se çfarë tjetër duhet të ndodhë dhe çfarë e keqeje është e nevojshme për Brukselin dhe Uashingtonin që të reagojnë dhe t’i dënojnë ata? Këtu, shihni se BE dhe SHBA tani janë të heshtur, edhe pse kanë kaluar më shumë se 24 orë që nga vendimi për heqjen e detyrimeve doganore. Nëse kjo heshtje vazhdon, do të jetë plotësisht e qartë se ata nuk kanë asgjë kundër këtij projekti kriminal. Dhe as nuk reagojnë ndaj një rreziku që është i madh për paqen në Ballkan, por edhe në të gjithë Evropën”- tha Daçiç.
Serbia paralajmëron Evropën: Stop krijimit të “Shqipërisë së Madhe”
“Krijimi i Shqipërisë së Madhe është një kërcënim për paqen dhe stabilitetin në të gjithë Ballkanin”, ka thënë ministri serb i Mbrojtjes Aleksandar Vulin dhe tha se hapi drejt krijimit të “Shqipërisë së Madhe”, tashmë është hedhur Prishtina ka hapur kufijtë me Shqipërinë.
Vulin më tej ka thënë se krijimi i “Shqipërisë së Madhe”, nuk është vetëm një kërcënim për paqen dhe stabilitetin në të gjithë Ballkanin, por edhe se thyen marrëveshje shumë të mëdha.
Ministri i bëri thirrje Evropës të mos përsërisë gabimin që kishte bërë gjatë luftës tragjike civile në Jugosllavi.
“Asnjë e keqe nuk mund të ushqehet vetëm nga një popull i vetëm dhe asnjë të keqe nuk mund të ushqehen vetëm në një vend. Prandaj bëj thirrje Evropës tani, ndërsa po bëhen kërkesë për krijimin e Shqipërisë së Madhe, ta ndalojnë këtë përpjekje”, – theksoi ministri Vulin.
Ai u tha pjesëmarrësve të konferencës se sot nuk është vetëm në lidhje me lajme të rreme, por edhe të vërteta të rreme.
