Bashkimi Evropian synon ta shndërrojë Shqipërinë në një geto. Brukseli ka gjetur miratimin e kryeministrit Rama dhe kryedemokratit Lulzim Basha. Ky i fundit në një konferencë për shtyp ditën e sotme, theksoi se opozita do të japë kontributin e saj për të pritur refugjatët nga Lindja e Mesme.
Basha u duk qartë se i është bashkuar skemës së kryeministrit Rama pavarësisht se u mundua ta justifikonte këtë të lëvizje të kreut të qeverisë si karamele për gojën e hidhur të Brukselit.
“Shqetësimi për sa i përket Shqipërisë dhe aktivizimit të ashtuquajturës “Rrugë Ballkanike”, ka të bëjë me a është e aftë Shqipëria me këtë gjendje të shtetit ligjor, në këtë gjendje luftës ndaj korrupsionit dhe krimit, që konsiderohet e pamjaftueshme, të përballojë një krizë të tillë. Ne si opozitë jemi të angazhuar plotësisht për të dhënë kontributin tonë”, u shpreh Basha, duke lënë të kuptohet se është kokë e këmbë në këtë projekt.
Ky projekt iu bë i ditur edhe vetë kryeministrit Rama pak ditë më parë në takimin e tij me kancelarin austriak Sebastian Kurz, si pjesë e marrëveshjes “Rruga Ballkanike”.
“Ne nuk duam që në Shqipëri, njerëzit që vijnë të hidhen nga një kufi në një kufi tjetër për të vazhduar rrugën. Por, të trajtohen në mënyrë dinjitoze. Dhe jemi të gatshëm, që në këtë bashkëpunim ne të vendosim në dispozicion të gjitha kapacitetet tona për të mundësuar nga njëra anë garantimin e sigurisë së kufijve dhe nga ana tjetër një trajtim dinjitoz të njerëzve. Kështu që unë e përsëris atë që tha kancelari që besoj që i kemi të gjitha mundësitë dhe planin e duhur për të parandaluar një rishfaqje të filmit të vitit 2015, që do të ishte dramatik për të gjithë ne”, u shpreh Rama në takimin me kancelarin austriak.
LEXO EDHE:
(VIDEO) Integrimi në BE/Rama gati të bëjë çmendurinë e radhës me Shqipërinë
Çfarë kërkon BE?!
Vendet anëtare të BE-së, kanë refuzuar rishpërndarjen e emigrantëve që hyjnë në Union. Ndryshe nga Serbia, BE nuk ka një datë konkrete për anëtarësim e Shqipërisë, dhe është ende larg standardeve që kërkohen
Prandaj po i propozohet pakti “kamp, në këmbim të statusit”. Si një vend me shumicë myslimane, Shqipëria është përdorur nga SHBA për strehimin e muxhahedinëve iranianë.
Në rajon, Turqia fqinje e Sirisë, strehon aktualisht 3 milionë refugjatë, me ndihmën e BE. Por Shqipëria është gjeografikisht shumë më e vogël, dhe kampe të tilla mund të shndërrohen në geto problematike.
LEXO EDHE:
Shqipëria në rrezik?! Pas ISIS-it, këto grupe gati të ‘pushtojnë’ vendin tonë
Mbi 10 mijë refugjatë në ishullin grek Lesbos kanë shkaktuar kaos duke revoltuar banorët vendas. Pas fondeve fillestare, BE është e ngadaltë në dhënien e fondeve të reja, duke ua lënë barrën qeverive vendase.
A rrezikojmë një katastrofë humanitare?
Kur Roma apo Athina japin shpesh alarmin përballë flukseve të mëdha, imagjinoni se çdo të ndodhte me Tiranën. Qeveria është e paaftë t’i garantojë bukën e gojës mijëra shqiptarëve, që ndihen si refugjatë në vendin e tyre. Me dhjetëra mijëra refugjatët e huaj, do të rrezikohej një katastrofe humanitare që mund të sjellë qendra e rehabilitimit të luftëtarëve të Shtetit Islamik.
TIRANA TODAY
