Përmes kreut të grupit parlamentar Edmond Spaho, Partia Demokratike e cilësoi survejimin e Lulzim Bashës si një poshtërsi të Edi Ramës dhe kryeprokurores Arta Marku.
Nga selia blu Spaho sulmoi qeverinë se kjo e fundit po përdor policinë për të përgjuar, përndjekur dhe survejuar kryedemokratin Lulzim Basha.
“Operacioni klandestin i kryetar të PD dhe familjes së tij është i paligjshëm dhe antikushtetues. Është inskenuar nga Xhafajt. Ndjekja dhe përgjimi i Bashës bëhet për interesa kriminale në këtë operacion Rama dhe Xhafaj po përdorin strukturat e policisë. Për të luftuar dhe gjurmuar ata që luftojnë krimin dhe drogën. Kjo dëshmon se qeveria funksionon në mbrojtjen e trafikut dhe drogës”, tha Spaho.
LEXO EDHE:
A po përgjohet Lulzim Basha?! Ja si përgjigjet Policia
