Shkëmbimi Icardi-Higuain? Ja çfarë thotë legjenda Zanetti

Tifozët e Interit janë mjaft të shqetësuar pas zërave të fundit se Mauro Icardi do të transferohet tek Juventus, duke u shkëmbyer me Higuain dhe një shumë të majme parash. Por duket se këto janë thjeshtë spekulime dhe kapiteni zikaltër nuk ka ndërmend që të largohet nga Interi dhe këtë e ka bërë të qartë edhe zv.presidenti Javier Zanetti. “Është zhgënjyes fakti që nuk do të jetë në Kupën e Botës, pasi ka vërtetuar se ai mund të përshtatet te Argjentina,” shprehet Zanetti për gazetarët.“Kur ke një kampion si ai në ekip, është normale të marrësh shumë oferta, por Mauro është kapiteni dhe një pikë referimi. Jemi të lumtur që e kemi në ekip dhe ai është i lumtur te ne. Nuk jemi të shqetësuar për spekulimet, pasi ai ka shprehur dëshirën për të qëndruar me ne dhe për të luajtur në Champions League, kështu që shpresojmë të vazhdojmë së bashku. Çdo herë që zbret në fushë ai tregon sesa e do këtë fanellë.”Zanetti më pas flet edhe për blerjen e re Lautaro Martinez. “Ai është një  ri premtues që ka bërë shumë mirë në Argjentinë. Gjithsesi, nuk është e lehtë të luash në Itali. Ai është vetëm 20 vjeç dhe duhet ta vendosim në kushtet më të mira që të performojë. Martinez mund të luajë në qendër të sulmit, por edhe në krahë. Ai i ka qejf përballjet një kundër një dhe ka shumë karakter.”