Arrihet marrëveshja për ndarjen e ministrive më të rëndësishme të qeverisë ‘Lega Nord’ dhe ‘5 yjeve’, ku Giuseppe Conte konfirmohet si kryeministër i Italisë. Takimi mes Luigi Di Maio dhe Matteo Savinit ka prodhuar dakodësi për një qeverisje politike me profesor Conten si kryeministër.
Marrëveshja e arritur mes tyre shmang zgjedhjet e parakohshme në Itali. Pritet nga presidenti Sergio Mattarella të japë verdiktin e tij.
Giovani Tria është zgjedhur si ministër i Ekonomisë dhe ka zevendësuar emrin e kontestuar të Paolo Savones.
Në marrëveshjen e parë mes dy partive politike u kundërshtua nga presidenti Mattarella që Savona të vendosej si ministër i Ekonomisë pasi ai shihej si një skeptik i fortë ndaj monedhës euro.
