Pasi u ndëshkua me karton të kuq në ndeshjen e fundit, Zlatan Ibrahimovic është rikthyer me një dygolësh, por që fatkeqësisht nuk shërbeu për të fituar pikë.
Suedezi, i cili nuk u grumbullua nga kombëtarja e tij në Botërorin e Rusisë, shënoi 2 herë fillimisht në të 69-ën dhe më pas në të 97-ën në humbjen 2-3 të Galaxy ndaj Dallas, duke e bërë më pak dhimbshme këtë disfatë për skuadrën kaliforniane.
Me këto 2 gola Ibra u ngjit në kuotën e 5 finalizimeve në Major League Soccer, ndërsa Los Angeles Galaxy nëse vazhdon me këto ritme do ta ketë shumë të vështirë kualifikimin në play-off.
