Një aksident tepër i rëndë me pasojë vdekjen e dy personave ka ndodhur në autostradën Milot-Fushë Krujë.
Policia njofton se një makinë ka dalë nga rruga, ku për pasojë është plagosur drejtuesi i mjetit ‘Volkswagen’ dhe e pasagjerët, të cilët janë dërguar me urgjencë te Spitali i Traumës në Tiranë.
Drejtuesi i mjetit, 26-vjeçari E. U., dhe njëri prej pasagjerëve, 21-vjeçari K. V. kanë ndërruar jetë.
Informacion paraprak
Më datë 26.05.2018, rreth orës 19:58, është marrë njoftim se në autostradën Milot -Fushë Krujë, një mjet tip Volkswagen me targa AA 744 NJ, ka dalë nga rruga.
Për pasojë janë dëmtuar drejtuesi i mjetit si dhe 3 pasagjerët të cilët janë dërguar në Spitalin e Traumes në Tiranë, ku drejtuesi i mjetit shtetasi E.U. 26 vjeç, banues në Tiranë dhe njëri nga pasagjerët shtetasi K.V. 21 vjeç, banues në Tiranë, kanë ndërruar jetë në spital. Ndërsa 2 pasagjerët e tjerë shtetasit M.U. 18 vjeç banues në Tiranë dhe shtetasi A.C. 23 vjeç, ndodhën nën kujdesin mjekësor.
Grupi hetimor në vendngjarje po punon për zbardhjen e plotë të shkaqeve të aksidentit.
Shtetasi M.U. ndodhet në gjëndje të rëndë shëndetësore, kurse A.C. është jashtë rrezikut për jetën
